LUIS ແມ່ນຖານຂໍ້ມູນທີ່ເກັບຂໍ້ມູນການວາງແຜນນໍາໃຊ້ທີ່ດິນໃນຂັ້ນບ້ານ ແລະ ຂັ້ນທີ່ສູງກ່ວາ ສໍາລັບໃຊ້ເປັນຂໍ້ມູນສະຖິຕິ, ບົດລາຍງານ ແລະ ການນຳໃຊ້ອື່ນໆທີ່ຫຼາກຫຼາຍ ເຊັ່ນການຕິດຕາມຄວາມຄືບໜ້າຂອງວຽກງານການວາງແຜນນຳໃຊ້ທີ່ດິນໃນລະດັບໂຄງການ ຫຼື ວິເຄາະເບິ່ງການປ່ຽນແປງຂອງທີ່ດິນ ລະຫວ່າງການນຳໃຊ້ທີ່ດິນໃນປະຈຸບັນ ແລະ ການນຳໃຊ້ທີ່ດິນໃນອະນາຄົດ.

ມູນທີ່ຖືກອັບໂຫຼດເຂົ້າໃນລະບົບ ມີການເກັບຮັກສາໄວ້ຢ່າງປອດໄພໃນຮູບແບບທີ່ເປັນໂຄງສ້າງ ແລະ ມີມາດຕະຖານໃນລະບົບເຊີເວີທີ່ມີລະບົບການສຳຮອງຂໍ້ມູນ. LUIS ສາມາດເຂົ້າເຖິງຂໍ້ມູນການວາງແຜນນໍາໃຊ້ທີ່ດິນໄດ້ງ່າຍ ແລະ ສະດວກສະບາຍຕໍ່ຜູ້ນຳໃຊ້ ໂດຍເຂົ້າໃຊ້ງານຜ່ານແຜນທີ່ເວັບໄຊຕ໌ ເຊິ່ງສາມາດສະແດງຂໍ້ມູນການນຳໃຊ້ທີ່ດິນທີ່ຈັດເກັບໄວ້ ແລະ ຊັ້ນຂໍ້ມູນອື່ນໆ ເຊັ່ນ: ເຂດທີ່ດິນປ່າໄມ້, ຂໍ້ມູນສຳມະໂນຄົວເຮືອນຂອງບ້ານ ແລະ ຂໍ້ມູນສະເພາະກ່ຽວກັບເພດ, ແລະ ຍັງມີຫຼາຍແຜນທີ່ພື້ນຖານສໍາລັບສະແດງເປັນພື້ນຫຼັງ.

ການພັດທະນາລະບົບຖານຂໍ້ມູນ LUIS ແມ່ນການຮ່ວມມືກັນລະຫວ່າງ ກົມທີ່ດິນ (ກທດ), ສະຖາບັນຄົ້ນຄ້ວາ ຊັບພະຍາກອນທຳມະຊາດ ແລະ ສິ່ງແວດລ້ອມ (ສຄຊສ) ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ແລະ ກົມຄຸ້ມຄອງ ແລະ ພັດທະນາທີ່ດິນກະສິກຳ (ຄພດກ), ກົມປ່າໄມ້ (ກປມ) ກະຊວງກະສິກໍາ ແລະ ປ່າໄມ້ (ກປ).

ແອັບພຣິເຄເຊິນໃນເວັບໄຊຕ໌ຂອງ LUIS ສັງລວມບົດລາຍງານຂອງວຽກງານການວາງແຜນນໍາໃຊ້ທີ່ດິນ, ສາມາດຄົ້ນຫາຂໍ້ມູນທາງດ້ານສະຖິຕິ. ເງື່ອນໄຂການກັ່ນຕອງຂໍ້ມູນເຊັ່ນ: ປີທີ່ສ້າງຂໍ້ມູນ, ວິທີການທີ່ນຳໃຊ້, ການສະໜັບສະໜູນທີ່ໄດ້ຮັບຈາກອົງການຄູ່ຮ່ວມງານ ແມ່ນສາມາດຄົ້ນຫາຂໍ້ມູນການວາງແຜນນຳໃຊ້ທີ່ດິນ ສະເພາະເຈາະຈົງໄດ້. LUIS ແມ່ນເປັນເຈົ້າຂອງໂດຍລັດຖະບານລາວ ແລະ ຄຸ້ມຄອງໂດຍຂະແໜງການຈາກ ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ (ກົມທີ່ດິນ ແລະ ສະຖາບັນຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ) ແລະ ກະຊວງກະສິກຳ ແລະ ປ່າໄມ້ (ກົມຄຸ້ມຄອງ ແລະ ພັດທະນາທີ່ດິນກະສິກຳ, ກົມປ່າໄມ້).

ການວາງແຜນນຳໃຊ້ທີ່ດິນແມ່ນຖືກຈັດຕັ້ງປະຕິບັດໃນປີທີ່ແຕກຕ່າງກັນ, ໂດຍມີວິທີການຈັດຕັ້ງປະຕິບັດແຕກຕ່າງກັນ ແລະ ມາດຕະຖານການໃຊ້ລະຫັັດຂໍ້ມູນແຕກຕ່າງກັນທີ່ຢູ່ໃນບັນການອົງການຈັດຕັ້ງຂອງລັດຖະບານລາວ (ພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມແຂວງ, ພະແນກກະສິກຳ ແລະ ປ່າໄມ້ແຂວງ, ຫ້ອງການຊັບພະຍາກອນ ທຳມະຊາດ ແລະ ສິ່ງແວດລ້ອມເມືອງ, ຫ້ອງການກະສິກຳ ແລະ ປ່າໄມ້ເມືອງ) ໃນການຮ່ວມມືກັບອົງການພັດທະນາຕ່າງ ເຊັ່ນ: GIZ-LMDP, SDC/TABI, KfW/ICBF ແລະ ອື່ນໆ.

ຂໍ້ມູນເຫຼົ່ານີ້ຕ້ອງເຮັດໃຫ້ເປັນມາດຕະຖານ ເຊິ່ງເຮັດໄດ້ໂດຍການໂອນລະຫັດການນຳໃຊ້ທີ່ດິນເດີມ ໄປຫາລະຫັດການນຳໃຊ້ທີ່ດິນລ່າສຸດ.

ໜ້າທີ່ຮັບຜິດຊອບຕົ້ນຕໍກ່ຽວກັບຄວາມຖືກຕ້ອງຂອງຂໍ້ມູນ ແລະ ຄຸນນະພາບຂອງຂໍ້ມູນ ແມ່ນຂຶ້ນກັບຜູ້ຜະລິດຂໍ້ມູນ ເຊິ່ງສ່ວນໃຫຍ່ແມ່ນມາຈາກຂະແໜງການທີ່ກ່ຽວຂ້ອງ ຂັ້ນສູນກາງ, ຂັ້ນແຂວງ ແລະ ຂັ້ນເມືອງ. ເພື່ອເປັນຂໍ້ມູນການວາງແຜນໃນຂັ້ນຕໍ່ໄປ, ການລາຍງານ ແລະ ມາດຕະຖານຄຸນນະພາບຂອງຂໍ້ມູນສະຖິຕິແມ່ນມີຄວາມຈໍາເປັນຕໍ່ຄວາມຖືກຕ້ອງຂອງຂໍ້ມູນ. ເຖິງຢ່າງໃດກໍ່ຕາມ, LUIS ແມ່ນສະໜັບສະໜູນການປະເມີນຄຸນນະພາບຂອງຂໍ້ມູນ ໂດຍວິທີການທີ່ແຕກຕ່າງກັນເຊັ່ນ:

- ການກວດສອບຄຸນນະພາບຂອງ Geodata ໃນລະຫວ່າງການອັບໂຫຼດຂໍ້ມູນ ແລະ ກວດກາຂໍ້ມູນໃນລະບົບຖານຂໍ້ມູນການນໍາໃຊ້ທີ່ດິນ LUIS;

- ກວດກາຄຸນນະພາບຂອງຂໍ້ມູນ 1 ຄັ້ງ/ເດືອນ ໂດຍທີມງານ LUIS ອີງໃສ່ປຶ້ມຄູ່ມືທີ່ມີມາດຕະຖານ ແລະ ຂໍ້ສະເໜີຕໍ່ກັບຜູ້ເຜີຍແຜ່ຂໍ້ມູນ;

- ຂັ້ນຕອນການອະນາໄມຂໍ້ມູນ back-end ແບບອັດຕະໂນມັດ ແລະ ຄຳແນະນຳສຳລັບການກະກຽມ/ກວດກາຂໍ້ມູນກ່ອນອັບໂຫຼດຂໍ້ມູນເຂົ້າ LUIS

ຜູ້ນໍາໃຊ້ລະບົບຖານຂໍ້ມູນ LUIS ສາມາດດາວໂຫຼດຂໍ້ມູນ ແລະ ເຜີຍແຜ່ ຄູ່ມືການວາງແຜນນຳໃຊ້ທີ່ດິນ ແລະ ຄຳແນະນຳ ລວມທັງແຈ້ງການກ່ຽວກັບການວາງແຜນນຳໃຊ້ທີ່ດິນ.

ຊ່ອງວ່າງຂອງຂໍ້ມູນບົດບາດຍິງ-ຊາຍທົ່ວໂລກຍັງຄົງມີຢູ່ ແລະ ຄວາມຮູ້ຂອງພວກເຮົາກ່ຽວກັບຊິວິດຂອງແມ່ຍິງ ແລະ ເດັກຍິງຍັງຄົງບໍ່ພຽງພໍ ເພື່ອທີ່ຈະຕອບສະໜອງຄວາມທ້າທາຍໃນການານອອກແບບນະໂຍບາາຍຕ່າງໆ ເພື່ອໃຫ້ບັນລຸເປົ້າໝາຍການພັດທະນາແບບຍືນຍົງ (SDGs). LUIS ມີທ່າແຮງທີ່ຈະຜັນຂະຫຍາຍແນວທາງ ແລະ ຊຸດຂໍ້ມູນໃນປະຈຸບັນເພື່ອສົ່ງເສີມ ແລະ ຮັບຮອງຂໍ້ມູນທີ່ຍັງບໍ່ທັນລວມເຂົ້າກັນ, ດັ່ງນັ້ນ ຈຶ່ງເປັນການສະເໜີຂໍ້ມູນທີ່ເປັນລັກສະນະສະເພາະ ແລະ ເປັນມາດຕະຖານກ່ຽວກັບການນຳໃຊ້ທີ່ດິນຂອງແມ່ຍິງ ແລະ ຊາຍ. ເຖິງແມ່ນວ່າພື້ນຖານດັ່ງກ່າວມີຄວາມເປັນກາງຕໍ່ກັບບົດບາດຍິງ-ຊາຍ, ແຕ່ຂໍ້ມູນ ແລະ ການນຳໃຊ້ຈະບໍ່ແມ່ນແບບນັ້ນ. ການແຍກຂໍ້ມູນທີ່ບໍ່ລວມກັນມີແນວໂນ້ມທີ່ຈະມີຜົນຕໍ່ກັບຄວາມຕ້ອງການ ແລະ ຂີດຄວາມສາມາດຂອງການນຳໃຊ້ທີ່ດິນ ສາມາດກຳນົດ ແລະ ແກ້ໄຂໄດ້ໃນລະບົບ ເຊັ່ນດຽວກັນກັບຖານຂໍ້ມູນ LUIS ທີ່ສາມາດຕອບສະໜອງພາລະບົດບາດສໍາຄັນໃນການລວມເອົາຂໍ້ມູນກ່ຽວກັບຄວາມສະເໝີພາບລະຫວ່າງຍິງ-ຊາຍ ແລະ ຂໍ້ມູນແບບດັ່ງເດີມ, ແລະ ສາມາດຂະຫຍາຍໄດ້ ເພື່ອຊ່ວຍຕິດຕາມຄວາມກ້າວໜ້າຂອງປະເທດລາວ ຕໍ່ກັບຄວາມສະເໝີພາບລະຫວ່າງຍິງ-ຊາຍໃນການຮັບປະກັນສິດຄອບຄອງທີ່ດິນ ແລະ ແບ່ງປັນຊັບພະຍາກອນຢ່າງເທົ່າທຽມ.