PLUP ແມ່ນການວາງແຜນນໍາໃຊ້ທີ່ດິນ ແລະ ວຽກງານມອບດິນ-ມອບປ່າແບບມີສ່ວນຮ່ວມ, ຊຶ່ງສາມາດປ່ຽນແປງໄດ້ ອີງຕາມຈຸດພິເສດຂອງບ້ານ ແລະ ກຸ່ມບ້ານພັດທະນາ, ຊຶ່ງມີໄລຍະເວລາ ແລະ ລະບຽບຫລັກການອັນແນ່ນອນ ເພື່ອເປັນບ່ອນອີງໃນການໄດ້ຮັບສິດນໍາໃຊ້ທີ່ດິນ/ປ່າໄມ້ ໃນນັ້ນ ລວມທັງການໄດ້ໃບຕາດິນຖາວອນ, ໂດຍປະຕິບັດໃຫ້ຖືກຕ້ອງສອດຄ່ອງກັບການຜັນຂະຫຍາຍກິດຈະກໍາຕ່າງໆ ແລະ ລະບຽບກົດຫມາຍທີ່ກ່ຽວຂ້ອງວາງອອກ.
FALUPAM ແມ່ນວິທີການໜຶ່ງ ທີ່ໃຊ້ເຂົ້າໃນການວາງແຜນນຳໃຊ້ທີ່ດິນ ໃນຂັ້ນບ້ານ ແລະ ກຸ່ມບ້ານ. ມັນເປັນການສັງລວມເອົາຊຸດເຄື່ອງມືຕ່າງໆ ທີ່ຊ່ວຍໃຫ້ ລັດທະບານລາວ, ນັກລົງທຶນ, ຜູ້ໃຫ້ທຶນ ແລະ ອົງການຈັດຕັ້ງສາກົນຕ່າງໆ ສາມາດ ວາງແຜນ ແລະ ຕິດຕາມ ການນຳໃຊ້ທີ່ດິນກະສິກຳ, ປ່າໄມ້ ໄດ້ຢ່າງຄອບຄຸມ, ໂດຍການມີສ່ວນຮ່ວມຂອງອຳນາດການປົກຄອງທ້ອງຖິ່ນ ແລະ ປະຊາຊົນພາຍໃນບ້ານ. ວິທີການນີ້ ແມ່ນອີງໃສ່ການຮັບຮູ້ ການດຳລົງຊີວິດຕາມປະເພນີ ຂອງປະຊາຊົນ ຢູ່ເຂດພູສູງ ແລະ ຖືກອອກແບບມາເພື່ອຊ່ວຍຢຸຕິການຖາງປ່າເຮັດໄຮ່ແບບເລື່ອນລອຍ, ສົ່ງເສີມການປົກປັກຮັກສາປ່າໄມ້ ແລະ ເພື່ອເພີ່ມເນື້ອທີ່ປົກຫຸ້ມຂອງປ່າໄມ້. ເປົ້າໝາຍໂດຍລວມຂອງ ການຄຸ້ມຄອງ ແລະ ວາງແຜນນໍາໃຊ້ທີ່ດິນກະສິກຳ ແລະ ປ່າໄມ້ (FALUPAM) ແມ່ນ ເພື່ອຮັບປະກັນ ໃຫ້ມີການນຳໃຊ້ທີ່ດິນ ແລະ ປ່າໄມ້ ຢ່າງຍືນຍົງ ແລະ ເປັນທຳ ໂດຍປະຊາຊົນ ແລະ ເພື່ອປະຊາຊົນພາຍໃນທ້ອງຖິ່ນ. ດ້ວຍເຫດຜົນນີ້, ມັນຍັງສາມາດແບ່ງອອກເປັນ 3 ເປົ້າໝາຍພື້ນຖານ: 1). ເພື່ອພັດທະນາ ແຜນການຄຸ້ມຄອງ ແລະ ການແບ່ງເຂດແດນທີ່ດິນກະສິກຳ ແລະ ປ່າໄມ້ ໃຫ້ເໝາະສົມກັບຄວາມຕ້ອງການ ແລະ ບູລິມະສິດຂອງປະຊາຊົນພາຍໃນທ້ອງຖິ່ນ ເຊິ່ງເປັນເຈົ້າຂອງໂດຍປະຊາຊົນ ແລະ ດຳເນີນການໂດຍປະຊາຊົນພາຍໃນທ້ອງຖິ່ນນັ້ນ 2). ເພື່ອພັດທະນາ ແຜນການຄຸ້ມຄອງ ແລະ ການແບ່ງເຂດແດນທີ່ດິນກະສິກຳ ແລະ ປ່າໄມ້ ໃຫ້ກົງກັບຄວາມຮຽກຮ້ອງຕ້ອງການຂອງລັດທະບານ ເຊິ່ງສາມາດ ໄດ້ຮັບການການອະນຸມັດຈາກທາງຂັ້ນສູນກາງ ແລະ ທ້ອງຖິ່ນ. 3). ເພື່ອພັດທະນາ ແຜນການຄຸ້ມຄອງ ແລະ ການແບ່ງເຂດແດນທີ່ດິນກະສິກຳ ແລະ ປ່າໄມ້ ທີ່ສາມາດຮັບປະກັນ ການນຳໃຊ້ຊັບພະຍາກອນທຳມະຊາດ ແລະ ຊີວະນານາພັນ ຢ່າງຍືນຍົງ.
ແມ່ນການກຳນົດເຂດ, ກຳນົດປະເພດ ແລະ ເປົ້າໝາຍການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ທີ່ດິນ ດ້ານຈຸລະພາກທີ່ມີລັກສະນະພື້ນຖານ ຂອງບັນດາຂະແໜງການ ແລະ ທ້ອງຖິ່ນ ຢູ່ຂັ້ນບ້ານ ດ້ວຍການຄົ້ນຄວ້າ, ປຶກສາຫາລື, ເກັບກໍາຂໍ້ມູນ ແລະ ເປັນເອກະພາບໃນການສັງລວມເອົາຂໍ້ມູນທັງໝົດທີ່ ເຂົ້າມາເປັນແຜນຈັດສັນທີ່ດິນຂັ້ນບ້ານ/ກຸ່ມບ້ານ. ແຜນຈັດສັນທີ່ດິນຂັ້ນບ້ານ/ກຸ່ມບ້ານ ແມ່ນ ເຈົ້າເມືອງ ເປັນຜູ້ຮັບຮອງ ໂດຍການນຳສະເໜີຂອງຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ.
ການຈັດສັນທີ່ດິນ ແມ່ນ ການກຳນົດເຂດ ແລະ ກຳນົດປະເພດທີ່ດິນ ດ້ານມະຫາພາກຂອງລັດ ເພື່ອເປົ້າໝາຍ ໃນການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ທີ່ດິນ ໃຫ້ເກີດຜົນປະໂຫຍດສູງສຸດ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ວຽກງານປ້ອງກັນຊາດ - ປ້ອງກັນຄວາມສະຫງົບ. ການຈັດສັນທີ່ດິນ ປະກອບມີ ການຈັດສັນທີ່ດິນລະດັບຊາດ ການຈັດສັນທີ່ດິນລະດັບແຂວງ, ນະຄອນຫລວງ ການຈັດສັນທີ່ລະດັບເມືອງ, ເທດສະບານ ແລະ ການຈັດສັນທີ່ດິນຂັ້ນບ້ານ, ກຸ່ມບ້ານ. ການຈັດສັນທີ່ດິນແຕ່ລະຂັ້ນ ເອີ້ນວ່າ ແຜນຈັດສັນທີ່ດິນ ຊຶ່ງໄດ້ກໍານົດຂອບເຂດ ຄວາມຮັບຜິດຊອບໃນການຄຸ້ມຄອງແຕ່ລະຂັ້ນຢ່າງຈະແຈ້ງ.
ຈຸດປະສົງຂອງວຽກງານການວາງແຜນຄຸ້ມຄອງທີີ່ດິນກະສິກໍາແບບມີສ່ວນຮ່ວມຂັ້ນບ້ານ 1. ເພື່ອອະທິບາຍກ່ຽວກັບແນວທາງນະໂຍບາຍຂອງພັກ-ລັດຖະບານທີີ່ພົວພັນເຖີງວຽກງານວາງແຜນຄຸ້ມຄອງທີີ່ດິນກະສິກໍາແບບມີສ່ວນຮ່ວມຂັ້ນບ້ານ. 2. ເພື່ອອະທິບາຍກ່ຽວກັບຮູບແບບ, ບາດກ້າວ, ຂັ້ນຕອນ ແລະ ລະບຽບການໃນການຈັດຕັ້ງປະຕິບັດວຽກງານວາງແຜນຄຸ້ມຄອງທີີ່ດິນກະສິກໍາແບບມີສ່ວນຮ່ວມຂັ້ນບ້ານ ທີີ່ສອດຄ່ອງ ແລະ ຖືກຕ້ອງກັບສະພາບເງື່ອນໄຂຕົວຈິງ. 3. ເພື່ອອະທິບາຍ ທາງດ້ານສິດ, ໜ້າທີີ່, ພາລະບົດບາດ ແລະ ຄວາມຮັບຜິດຊອບ ຂອງພາກສ່ວນທີີ່ກ່ຽວຂ້ອງໃຫ້ເຂົ້າມາມີສ່ວນຮ່ວມ ໃນການຜັນຂະຫຍາຍ ແລະ ຈັດຕັ້ງປະຕິບັດວຽກງານວາງແຜນຄຸ້ມຄອງທີີ່ດິນກະສິກໍາແບບມີສ່ວນຮ່ວມຂັ້ນບ້ານ. 4. ເພື່ອເປັນການແນະນໍາແນວທາງ ການພົວພັນ ແບບມີສ່ວນຮ່ວມ ລະຫວ່າງການວາງແຜນຄຸ້ມຄອງທີີ່ດິນກະສິກໍາ ກັບການຂື້ນທະບຽນທີີ່ດິນ, ການອອກໃບຕາດິນຢູ່ໃນເຂດຊົນນະບົດ. 5. ເພື່ອຍົກລະດັບຄວາມຮູ້, ຄວາມສາມາດທາງດ້ານເຕັກນິກວິຊາການ ກ່ຽວກັບການວາງແຜນຄຸ້ມຄອງທີີ່ດິນກະສິກໍາແບບມີສ່ວນຮ່ວມ ໃຫ້ພະນັກງານເມືອງ, ແຂວງ ແລະ ບັນດາໂຄງການ ໃຫ້ມີຄວາມເປັນເອກະພາບ ໃນຂອບເຂດທົົ່ວປະເທດ.
ການວາງແຜນນຳໃຊ້ທີ່ດິນປ່າໄມ້ບ້ານ ແມ່ນວິທີ ການວາງແຜນ ການນຳໃຊ້ປ່າໄມ້ ທີ່ສ້າງຂື້ນມາໂດຍ ອີງໃສ່ເຄື່ອງມື ຂອງ ການວາງແຜນນໍາໃຊ້ທີ່ດິນ ແລະ ວຽກງານມອບດິນ-ມອບປ່າແບບມີສ່ວນຮ່ວມ (PLUP) ທີ່ມີຢູ່ກ່ອນແລ້ວ. ຂອບເຂດປ່າໄມ້ຂອງບ້ານໄດ້ຖືກແຕ້ມ ແລະ ກຳນົດເຂດແດນຢ່າງຈະແຈ້ງ ຄຽງຄູ່ກັນກັບການສ້າງແຜນທີ່ປ່າໄມ້ແບບລະອຽດ, ຕາມມາດ້ວຍການນຳໃຊ້ ການປະເມີນຊັບພະຍາກອນປ່າໄມ້ແບບມີສ່ວນຮ່ວມ (Participatory Forest Resources Assessment) ແລະ ການກວດກາປ່າໄມ້ ເຊິ່ງນຳມາໃຊ້ເປັນພື້ນຖານໃນການສ້າງ ແຜນການ 5 ປີ ຄຸ້ມຄອງປ່າໄມ້ບ້ານ (VFMP). ນອກຈາກນີ້ແລ້ວ, ກໍ່ມີການສ້າງແຜນການດຳເນີນງານປະຈຳປີ ແລະ ຂໍ້ຕົກລົງກ່ຽວກັບການຄຸ້ມຄອງປ່າໄມ້ບ້ານ. ການກຳເນີນງານຕາມແຜນການດັ່ງກ່າວແມ່ນຈະຖືກຕິດຕາມ ແລະ ປະເມີນຜົນ.
ສຳລັບຂໍ້ມູນເພີ່ມເຕີມກ່ຽວກັບວິທີການຕ່າງໆຂອງການວາງແຜນນຳໃຊ້ທີ່ດິນ ສາມາດດາວໂຫຼດຄູ່ມື ແລະ ຄຳແນະນຳຕ່າງໆໄດ້ ຢູ່ປຸ່ມດາວໂຫຼດ ເຊິ່ງຢູ່ພາຍໃຕ້ໜ້າເມນູຂອງ ຄຳແນະນຳ/ເຄື່ອງມື